Treo 680 到手再到手

部「陸伯玲」新老婆星期六到手後，立即將她狂叉十多小時，為的是希望她的電能有較長的壽命！然後就開始漫長嘅 data migration process，一口氣用咗八小時的時間，初步裝好同設定好約八成平時用開嘅軟件！餘下嘅就打算一日一日慢慢咁 fine tune！唔 check 唔知，原來用開嘅 program 有好多都有更新版，咁即係話要再用多一啲時間去試佢地 update 咗嘅新項目！

前晚食完晚飯咪又埋位將部機再 fine tune 吓同試下啲 hardware 呀咁，就比我禁中個 SplashPhoto 嚟試相，噢 my god！左上角出現咗我一直好擔心嘅嘢。○○◎ 光點

何解之前一直做緊 setting 嘅八小時完全察覺唔倒？皆因光點係在任何情況下都會亮著的 pixel，在看文字及 icon 的情況下係好難發現，除非特登用色版去測試又或者睇相！我就係未做呢吓動作～

都無辦法，唯有去換機，旺角再走一轉！不過換咗一部個盒無代理 label 嘅機，但都係中文 ROM 機，都算啦，都一樣係一年 Worldwide warranty！換咗機使唔使由頭 setup 過呢？唔使擔心，Palm 就有呢個好處，最基本可以做 Hotsync，還原倒九成資料，不過好彩我有用 BackupMan，回程途中已經百分百 restore 番曬部機，連個時間都 update 埋，無意中重發現 restore 中途都可以接電話，同埋可以出到 contact 裡面啲 caller data！Very Good ～ 值得我多年來不離不棄咁支持呢個 program！ (我由第一部 Palm 機已經開始用啦)

多得 Tere 嘅幫忙，今日再 set 多咗幾個 program！部機用咗叫做兩日，比起部 Treo 650，有好有懷，過幾日再寫吓啲比較！