樂樂、盈盈

下午望望窗外，舒展一吓對眼時，無意中發現出面對開隧道口陸續出現多部鐵馬，約有十部，將隧道出入口封閉，心想可能有政要等等要過海，因為呢種情況久不久都會出現！

正期待地看會有什麼車出現時，只見到兩部 CROWN 運輸車與兩部七人車被護送，經海濱狗公園進入隧道範圍再於隧道口 U-turn 上堅拿道東天橋。為乜呢幾部車會咁巴閉由咁多部鐵馬開路，重要正正响隧道入口前 U-turn，又唔似係運銀紙呀運金條呀咁？！

夜晚先知，原來係兩隻熊貓！睇吓幾時有機會同阿仔阿女去海洋公園近距離睇吓先~