液晶 / 等離子電視機

電視，平時真係好少睇，最多都係睇番長錄嘅明珠 20:30 節目，或者翡翠 6點半新聞！

雖然少睇電視，但係間唔中都會睇吓碟，打吓機咁。依家用緊嘅 29 吋東芝，都已經超過五年，係大牛龜，但狀況仍然良好，從未試過頭暈身慶！呢部係我第二部 29 吋東芝，上一部「火箭砲」都用咗十幾年，唔記得係畫面定係啦叭問題所以最後無整。依家諗番轉頭，呢部機真係非常之貴，當時買咗成皮嘢，用咗咁耐都算抵番，傳統 CRT 機真係有佢好處。

依家人人 LCD / Plasma 呀咁，一直都未有促使我有換機嘅念頭，不過當然都多多少少有留意吓啲機，新科技嘛，知多啲無衰嘅。不過近日就多諗咗，無他嘅，因為呢兩條化骨龍... Alvin 同 Angie！LCD / Plasma 比起 CRT 電視對佢地點都會好啲。

比較過呢兩類電視，認定 42 吋 Plasma 機比較合適，經 Tiger 提點，擬定 Hitachi 為首選。Hitachi 最近有部 42PD9800TA，個 spec 都唔錯，舊年年底出，有 1024 x 1080 解像度，又有 HDMI，但係就無 DVI，駁電腦可能會無咁方便！一於放響個 Wish List 先~

Hitachi 42PD9800TA