Ironman 70.3 Taiwan

玩咗三項䥫人唔夠三個月，就報咗呢個 Ironman 公司 嘅臺灣半鐵人賽 Ironman 70.3 Taiwan，要响三個月內練到可以用限時嘅8個半鐘去完成 70.3 (miles)，即 Swim 1.9k; Bike 90k; Run 21.1k 嘅距離！

比賽當日遇著颱風橫過後嘅一日，南灣沙灘風浪好大，大會就將 1.9k 嘅游水改為 6k 路跑，由三項比賽變為陸上兩項！

比賽期間不停落住雨，時大時細，到路跑時更出咗一陣太陽。雖然上咗兩轉關山，成個比賽都好順利完成到，最終都係用咗 6小時47分完賽，攞咗次好好嘅經驗，亦證明苦幹係點都去到終點的！

Ironman 70.3 Taiwan 相片集請按下圖

2013 Ironman 70.3 Taiwan

2013 渣打馬拉松 10K賽

我跑嗰組，06:30，起步點在維園。一條友一早四點幾就坐巴士去維園，成車都係跑手，氣氛好特別。因為到達時間早咗好多，就搵咗個位置瞓咗陣，不過因為幾冷，瞓咗陣就起身四圍行！

去廁所條龍長到睇唔到龍尾 @@

首次步行上東區走廊

是日跑得好順好快 (自家感覺)，事實我係 PB 咗，55分23跑完。今次比賽無約到亦無遇到朋友，都幾 dry。跑完就一條友靜靜咁坐車返屋企，自己相都無影過一張，好似好慘咁，所以日後嘅比賽一定要捉啲朋友一齊，大家開心嘛～

人生第一個渣打馬拉松10K賽

我由2012年1月初開始學跑步，一切由急步行開始，目標就係要限時內完成2013年嘅渣打馬拉松10K賽！眨吓眼明日就係，時間過得真快！以前追完巴士會講唔到嘢，到家吓見到斜路都想一條氣跑上去，改變都幾大幾滿足！其實响過去一年，10K賽已經跑過好幾個，所以今次嘅目標修改為去做 PB (Personal Best)，即係破自己紀錄！

祝我好運！之後，繼續折磨自己，跑10K以上嘅賽事同埋三項鐵人賽啦〜 聽日都去渣馬嘅要加油呀💪👏