Mousse

一直都有用 mousse，而近幾年所用嘅呢隻 mousse 係來自澳洲，經 Keith 走水貨返黎！

揀中呢一隻係因為二仟年去 Sydney 世界賽時無得用，就响當地 supermarker 入咗幾支唔同牌子黎用，點知發覺呢隻 Wella 好正，又唔黐笠又平！返到香港之後居然揾唔倒有得賣，咁零一年再去澳洲 Darwin 時就諗住入番啲，但點知走勻成個 Darwin 都唔係幾搵到，總共都係得嗰三幾支咁多，可能嗰度太僻，無入貨，話唔埋嗰次已經一次過比我買曬。

之後知道 Keith 久不久會去澳洲走轉去 mark 住依家個老婆，我當然搭佢順道幫我睇睇重有無啲剩餘物資！點知佢幫我大量入貨，成打咁拎返黎，就係咁我一直有得用，直到早兩日，終於全部用罄！

依家煩啦，Keith 已經搞掂咗個老婆，唔使再去澳洲，唔知重有無人會經常會去澳洲 mark 女友呀咁 (如果唔係邊有時間幫我去搵呀)，如果有就順道幫我入啲貨啦！唔該！