Touching the iPod touch

部 iPod touch 終於到手！真係好正！

拎上手嘅感覺真係好好，好薄！

叉完電先再搞！ ^_^

交通意外

小心駕駛，多謝合作！

今早過海時响隧道口塞車，响快線塞吓塞吓，點知一個唔少心撞落前面架的士嘅車尾右面bumper度，我車頭食入咗佢度，佢個bumper當然凹咗啦！心諗今次又唔見錢，又要倍自己又要整。根據以前Omega經驗，個車頭bumper係咁依都三仟幾 >.<

正煩惱點同個司機講數，見佢係咁依睇咗一眼，就開價三舊水！依．．．三舊水？！我即刻磅水，佢都好熟手咁即刻寫番張收據比我。我心諗．．．真係好彩！

跟住即走，前後唔夠三分鐘，一佰蚊一分鐘！我跟住佢架車行，佢跟手cut去慢線，依．．．佢個bumper．．．點解還原番嘅？！望落去完全無事！我明白啦，佢真係有經驗，明知個bumper會無事，收我三佰等我唔同佢討價還價，高招！

返到停車場，咪叫老婆先落車影翻張相，準備下午車去車房整，點知佢問「你撞咗邊度呀？」！搞乜呀？！無理由咁都睇唔到吖？！事實係．．．真係睇唔倒！原來我個bumper都還原翻！

個故事教訓我地，輕微碰撞後，記得將架車分番開先落車，唔好蝕底埋嗰三舊水！

iPod touch

今日終於在網上訂了部 iPod touch 16GB 作為自己一年一度的生日禮物！話會大約一個星期內送貨，期待中~

點解會入部 iPod touch，因為可以用佢黎上吓網、聽吓 Podcast、睇吓片、睇吓相同聽吓歌咁，唔使吓吓帶住部 notebook，雖然呢啲嘢部 Treo 680 全部都做到，但相對地係真係無咁理想，淨係個 display 都無得比啦！重有，依家啲 webapp 咁多咁全面，有個好似 Safari 嘅 browser 就掂曬啦，連 Office 隨時都唔使裝呀~

之前其實係完全無諗過 iPod touch，一直認為 iPhone 貴少少但係會多好多日常有用嘅嘢，會抵啲。相比起 iPod touch，iPhone 會多咗電話功能、SMS、相機、speaker、mic、volume button、 dock、部份 application 如 email，Google Map 等等，同埋條 headphone 線上面個 control button！真係多好多嘢，但相對地，重咗 15g (即係好似袋多咗個 HSBC 保安編碼器咁 =.=!)、長咗 5mm (咁都係長咗吖)、薄咗 3.6mm (差不多係五張信用咭疊埋嘅厚度)、在相同價錢下 (以行貨計) 少咗 8GB！

iPhone

iPod touch


客觀地睇，iPhone 個 specification 係好少少，但始終未有 unlock 版或香港行貨，要用到佢就要解鎖。Apple 早前 firmware 剛 upgrade 去 1.1.1 時已經玩謝咗一班人，雖然依家已經比人解番，但呢個星期又會有新 update 去 1.1.2，Apple 重講明會 block 曬所有 unlock 機添，除非你忍受到唔去 update，如果唔係又要用十個八個鐘去搞一輪解鎖，我真係無咁多時間去咁玩呀！所以入住部 iPod touch 頂住吓，等一兩年後真係有 official iPhone 黎先再決定都未遲，況且部 iPhone 唔係走 PDA 路線，暫時都未能代替部 Treo 680，換機亦未有急切性。