Mac Book 用後感之一

今日正式 setup 部 Mac Book，原來用咗十年 Windows Notebook 轉用 Mac Book 嘅第一日真係咁難適應！或者咁講，比我嘅感覺令我有啲卻步。就恰似我今年年初時換車嘅感受！

我之前用開嗰架 Omega 同我第一部 Compaq Notebook 係同期入手，都係十年光境。車一直未換過，而 notebook 就用過三部，但都係 Compaq，所有配件介面也大致相同。Omega 同 Mazda8 完全係兩種車，房車 vs 多用途車、後驅 vs 前驅，乘坐感及駕駛感也絕對不同。Mac Book 與 Notebook 使用兩種完全不同的操作係統，運作環境與程序也不盡相同。

Windows 人使用 Mac 機，必然地會將所熟悉的 Windows 操作模式，嘗試套用到 Mac 機上，並作出比較。在這安裝過程內之短短三數小時，Mac 機的操作確使我氣餒，而我絕對相信此情況跟我第一日使用 Mazda8 的不適應感基本上相同。

究竟部 Mac Book 什麼地方令我不快呢？
1. Touch pad - Mac Book 同 部 Compaq 個 touch pad 嘅操作基本上一樣，也可以輕點來作揀選或拖曳，但是，他的 touch pad 實在是太大了，比用開的大成百份之50！打字時經常觸到！行不方便。更重要的是，為何得一個鍵，右鍵去了那裡？是否 Mac OS 本身並無右鍵功能？

2. 中文輸入 - Mac OS 太好了，多國介面也有，可以隨時轉換。中文輸入也有傳統用開的倉頡及簡易，也見有個拼音，但未試用過。問題出現在網上登記時，需要輸入文字，但來來回回也未能切換至英文輸入，個熱鍵去了那裡？無理由下下要出動個 mouse 去 click 右上角嘅 icon！

3. 遊標控制 - Windows 標準 keyboard 通常有 104 個鍵，而我用開嘅 Compaq 亦通常有 86 鍵，包括，上、下、左、右、Home、End、PgUp、PgDn 等遊標控制鍵。我鍾情於 Compaq 就是它不會將此等重要按鍵合拼，減少需按合併鍵的情況，而可昔，Mac Book 只有 78 鍵！

4. 內聯網 - 一直以來，我在內聯網上放置了影片、相片、音樂，可以隨時登入部 NAS 存取及播放。可能因為新手關係，在連接好部 NAS 各部資料庫後，除影片外，相片及音樂竟然未能即時在 iPhoto 及 iTune 播放，而好像是要做一個同步動作。

5. 圖示 - 1280 x 800，此解像度跟我現時的 Presario 完全一樣，可以作一個一對一的比較。但為何 Mac Book 的顯示器給我我感覺好像只有 1024 x 600，字體及圖示皆相對比較大。

6. 軟件運行 - 何解它的操作一如 Pocket PC！在 Pocket PC 裡頭開了軟件，如果按了右上角的 "X"，軟件只會被最少化。意即該軟件仍未結束，只是被藏到背後繼續執行。我發現 Mac 也有相同情況，但比起 Pocket PC 好一點，原因是可從相關圖示得知它仍在執行中。

以上只是我對 Mac Book 的首次接觸的感受，相信上述問題日內必定找到方案去解決並會一一適應！

Apple 電腦

我第一部擁有嘅電腦，就係 Apple 電腦，一部外置 5 1/4" 軟碟機嘅 Apple IIe，綠色 mon，就好似下面嗰部。眨眼間原來己經係廿年前嘅事。


自從投身第一部 8088 之後，Apple 機跟我嘅距離與日俱增，响呢段期間，原來我係完完全全未有再接觸過任何 Apple 嘅產物，包括盛極一時的 iPod！

早前，因為 AppleTV 同埋老婆提到想入部 Notebook，而佢又真係去睇過吓部 MacBook，因而再次引起我對 Apple 機的注目。由於 Mac 機已改行 Intel，而 Apple 嘅 BootCamp 更可以將 Windows 安在其中，更增加我對佢嘅興趣。

呢幾個星期前前後後都睇咗唔少關於 Mac 機嘅資料，預算等佢個新 OS Leopard 出埋就換我手頭上用咗兩年嘅 Compaq Presario，而先前睇到嘅 HP Pavilion tx1000 都係算啦！

今日跟阿無名兄走咗去 TimeSquare 準備見識吓佢出部 24 吋 iMac，點知原來 Mac 機响 RoadShow 缺貨，佢買唔成，個 promoter 話就連老婆想買嗰部 13 吋 MacBook 都係得番三幾部最低 configure 嗰隻，於是放工咪即刻走去買，但點知，呢幾部就响呢一個鐘內賣埋！

於是再走去又一城碰運氣，好彩佢地重有貨，連 iPod nano 都可以揀色，本來想加錢換部 30GB iPod (都係加四百幾，重抵過買外置 harddisk) ，點知就無曬貨。最後，一部白色 MacBook + 銀色 4GB iPod nano + iWork 就跟咗我地反屋企！又有排唔得閒喇~





Apple Mac Book

Google Phone

Google 近日人氣急升，所有網上工具應有盡有，家吓就連 hardware 都染指，準備 2008 年年初出隻 Google Phone！個 rumors 傳咗幾日，今日终於都睇到真身，到時又多個另類選擇啦~

TreoHQ

Ricoh Caplio R7

Ricoh upgrade 機嘅速度真係幾有效率，三月尾先出完部 R6，隔五個月又出 R7！

我家吓用緊嗰部 R5 唔經唔覺原來都用咗成年，會唔會係時候考慮吓呢部 R7 呢？

睇過個介紹，部 R7 更新咗好多嘢，但係睇黎睇去，都只係有兩大改善我比較用得著。第一係個感光度，似乎比之前強咗好多，第二係加咗個 2-step zoom，可以減短 zooming 嘅時間！而我最想佢有嘅 16:9 就重係未有！

關於 video 方面嘅資料就無乜點講，可能重係停留响 R5 嘅水平，等佢九月正式出咗後睇埋啲 review 先再研究一吓~

PhotographyBLOG
Official Ricoh R7

Palm Centro

網上又漏了一張新 Palm smartphone 嘅相，叫做 Centro！呢張相比起之前網上流傳嗰兩張真係正好多，但係個 spec 就未有，傳話十月會有，重話係 US99，但當然係上台價啦！

從張中見，最吸引嘅地方係佢細咗好多，方方平平咁，追近咗依家流行嘅手機外型！期待！

Palm Infocenter

後記：9月12日有公佈

寫 Blog

唔經唔覺原來成個月都無 update 過呢個 blog，無他嘅，近日用多咗個 Twitter，可以隨時用部 Treo 上網 post message，純文字，真係好方便！就連返咗大陸做嘢我都可以用 SMS 去 update 佢，真係可以做到無處不在！

去咗兩次 trip，想話整番個 GeoPhotoMap，搞到依家都未有滿意嘅方案！忙埋呢幾日再研究吓先！

近日多留意咗 Apple 動向，皆因想用佢嗰部 Mac Mini 起個 HTPC，用黎睇吓 movie 聽吓歌睇吓相咁，最重要係我睇中佢新出嘅 iLife '08 入面個 iMovie，佢比起我依家用緊嘅 會聲會影9.0 真係 powerful 好多！由於 Apple 將會响十月出新嘅 Operating System OS X Leopard，所以會等等等‧‧‧

Apple Special Event - August 2007